London Uyghur Ensemble

Englische
 London Uyghur Ansambili
 Uyghur muzika tetqiqati
 Uyghurlar heqqide melumat
 En'gliyediki uyghurlar
 Uyghur muzikisi /audio
 Uyghur muzika /video
 Uyghur muqam tekistliri
 Uyghur naxsha tekistliri
 Uyghur shi'erliri
 Uyghur edebiyati
 Dunya muzikisi /audio
 Dunya muzikisi /video
 Internet radio & tv
 Bashqa sehipiler
    
       Bookmark and Share

Uyghur küyi Londonda yangridi


*Bu xewer wetendiki Diyarim torbetide 2009-yili 2- ayning 27- kuni berilgen. Xewer hazirghiche jemi 45,000 qetimdin artuq korulgen. Mezkur xewer Diyarim toridin sehipimizge 2009-yili 5-ayning 17- kuni kochuruldi.

London Uyghur Ansambili 2004- yili Uyghur naxsha - muzikisigha ishtiyaq baghlighan birqanche kishidin teshkillinip, Uyghurlarning en'eniwi we ammibab naxsha- muzikilirini orunlaydighan, Uyghur naxsha - muzikisini dunya xelqlirige, jümlidin En'gliye xelqige tonushturushni asasiy meqset qilghan shundaqla En'giliyidiki her türlük kespiy, ilmiy we ammiwi orunlarning qollishigha ériship kiliwatqan bir kespiy sen'et guruppisidur.

London Uyghur Ansambili orunlaydighan Uyghur naxsha - muzikisi asasliqi Uyghur muzika tingshaq ahanglar, ijadiy xelq ahanglar we Ili xelq naxsha - muzikilirini hem en'eniwi Uyghur 12 muqamini öz ichige alidu. London Uyghur Ansambili qurulghandin buyan izchil izdinish, tirishish we meshiq qilish, bu arqiliq güzel mezmunlargha bay Uyghur sen'itidin, bashqilargha ozuq ata qilishni meqset qilip, Uyghur naxsha - muzikisni we Uyghur muqamlirini sehnilerde ijra qilip En'gliyiliklerning qelbidin chongqur orun aldi. Bundaq yürekni zilzilge salidighan munglardin, lerzan oynalghan ussullardin heyranliqqa chömgen En'glizlar “Uyghur medeniyiti heqiqetenmu qedimiy yipek yolidiki bir göher qorghan ..” dep teripleshti.

Mana bu Londonda qurulup besh yilgha yéqin waqit ichide En'giliyide Uyghurning mewjutluqidin kishilerning qelbige yirik we emeliy deris bergen London Uyghur Ansambilidur. London Uyghur Ansambili özining tirishchanliqi, ijadkarliqi türtkiside tunji bolup öz sadasini yeni Uyghur sadasini 2005- yilliq muhajirlar bayrimida London asminida yangratti. London Uyghur Ansambili bügünki kün'ge qeder 20 nöwettin artuq mexsus Uyghur sen'et kéchiliki ötküzgen bolup, bularning ichidiki wekil xaraktérlik konsért 2009- yili 2- ayning 17- küni London Uniwérsitéti Asiya - Afriqa Institutining teklipi we ularning etrapliq orunlashturushi bilen dunyagha dangliq Büyük Béritaniye moziyining yénigha jaylashqan London Brunei tiyatirxanisida mexsus ötküzülgen Uyghur sen'et kéchilikidur.


Bu qétimqi pa'aliyet London Uyghur Ansambili qurulghandin buyanqi eng muweppeqiyetlik bolghan we eng köp tamashibin ishtirak qlghan bir qétimliq sen'et kéchiliki bolup hésablinidu. Uyghur Ansambili Londondiki konsértni ayaghlashturup bir qanche kün ötmeyla yene 2009- yili 2- ayning 24- küni En'giliyining ottura qismigha jaylashqan dangliq polat Sheffield ke kélip Sheffield Uniwérsitétining teklipige asasen bu yerde bir meydan Uyghur naxsha - muzika kéchiliki ötküzüp, tamashibinlarning qizghin alqishi we medhiyilirige muyesser boldi .

Bügünki künde weten sirtida bashqa milletlerdin yeni En'gilizlardin teshkil qilinip qurulghan mushundaq bir sen'et guruppisining weten sirtida bu qeder zor utuq we alqishlargha érishishi qelbingizdiki Uyghur millitining neqeder bir güzel medeniyetke ige ikenlikidin sizni söyündürse, elwette bu shan - shereplerning arqisida öz küchini ün- tinsiz serp qiliwatqan London Uyghur Ansambilidiki barliq pidakarlargha öz minnetdarliqimizni ipade qilmay turalmaymiz. Axirida men London Uyghur Ansambilining bundin kéyinki pa'aliyitining téximu netijilik bolushini tileymen hemde weten ichi we sirtidiki barliq Uyghur qérindashlirimizdin bu ansambilning shereplik we ehmiyetlik xizmitini yéqindin qollishini, medet bérishini ümid qilimen chünki ular teklimakan'gha dümlen'gen Uyghur sadasini, Uyghur munglirini London asminida yangritiwatqan kishilerdur.

Towende London Uyghur Ansambilining bu qétimqi London Brunei tiyatirxanisida ötküzgen Uyghur sen'et kechiligining neq meydan konsertidin bir korunushni hozuringizlargha sunduq .





























Diyarim tori London xewiri: Suretlerni Diyarim torbekitidin Dilmrat Oyghar tartqan.



Esli xewer menbesi:


Diyarim.com

http://bbs.diyarim.com/read.php?tid=35866&fpage=0&toread=&page=1










Neshir hoqoqi London Uyghur Ansambiligha tewe.

© Copyright 2007  London Uyghur Ensemble  (LUE).  All rights reserved.

E_mail: web@uyghurensemble.co.uk  Web designed & administrated by Aziz Isa.   

ziyaretchiler sani: